Ben ging beej Groetelaars de winkel binnen en vroog um ’n druëgwors. Hae bekeek ze ’s en rook d’r aan en goof ze terug en zei: “dót meej toch maar lever ’n laeverwors.”
Groetelaars hing de druëgwors terug, pakte ’n laeverwors en goof ze aan Ben.
“Merci”, zei Ben, en leep de winkel oe~t.
“Hey, hey”, zei Groetelaars, “geej hèt nog nì betaald”.
“Ik heb ow toch die druëgwors teruggegaeve?” zei Ben.
“Ma die hedde ok nì betaald!”, zei Groetelaaars.
“Ma die heb ik toch ok nì meigenoame!” zei Ben
Henk ging op de fiets van Houteze noa ’t dörp en woord aangehalde dór de pliessie. “Ik zeej ’t al” zei de pliessie: “gèn veurli~ch, gèn achterli~ch, gèn bel, gèn rem, gèn wit spatbord, dát get ow unnen hoeëp geld koste.” “Zal ik ow ’s ennen tip gaeve”, zei Henk, “dalik kump d’r hee enne naeve dae hè~t gaar genne fiets beej zich!”.
Geen opmerkingen:
Een reactie posten